Nje 50-vjecar ka mbetur i vrare me arme zjarri pak pas mesnates ne fshatin Berxulle te bashkise Vore. Viktima eshte identifikuar si shtetasi Edmond (Ali) Sula. Sipas te dhenave paraprake, ngjarja ka ndodhur teksa viktima ishte duke levizur ne kembe dhe po hynte ne ambientet e baneses se tij.
Ne njoftimin zyrtar, Policia e Shtetit bëri me dije se ngjarja eshte regjistruar rreth ores 00:10. Menjehere pas marrjes se njoftimit, nje grup i posaçem hetimor, nen drejtimin e Prokurorise, ka mberritur ne vendngjarje per te sqaruar rrethanat, fiksuar provat materiale dhe identifikuar autoret e perfshire ne kete krim.
Aktualisht, sherbimet e policise kane ngritur pika kontrolli ne zona strategjike dhe po ushtrojne kontrolle intensive, me qellim lokalizimin dhe kapjen e autoreve te dyshuar.
Përditësime
Burime nga grupi hetimor konfirmojnë se 50-vjeçari ka ndërruar jetë në vendngjarje, si pasojë e të shtënave me armë zjarri në Bërxullë. Aktualisht, Policia e Shtetit ka rrethuar zonën, ndërsa grupi hetimor po vijon me këqyrjen e vendit të ngjarjes dhe mbledhjen e provave materiale.