Policia e Shtetit ka nisur hetimet për zbardhjen e rrethanave të kësaj ngjarjeje dhe identifikimin e autorëve. Sipas të dhënave zyrtare, viktima u qëllua në rrethana ende të paqarta. Forcat e rendit kanë ngritur një grup të posaçëm hetimor, i cili, nën drejtimin e Prokurorisë, po punon për gjetjen dhe fiksimin e çdo prove materiale që mund të çojë në zbulimin e autorëve të krimit.
Ndërkohë, shërbimet e Policisë kanë shtuar kontrollet intensive në të gjithë zonën e Kurbinit dhe rrethinat e saj për lokalizimin dhe kapjen e personave të përfshirë në këtë vrasje. Sipas raportimeve, të shtënat janë regjistruar në lagjen “Erdogan”, ndërsa deri në këtë moment nuk është raportuar për asnjë person të ndaluar në lidhje me këtë rast.
Përditësime
Policia e Shtetit ka shoqëruar disa persona në komisariat lidhur me vrasjen e 40-vjeçarit në Laç. Viktima u qëllua për vdekje me armë zjarri pranë banesës së tij.