Ish-kryetari i Partisë Demokratike të Kosovës (PDK), Enver Hoxhaj, ka zhvilluar një vizitë në Hagë, ku ndodhen në paraburgim ish-presidenti Hashim Thaçi dhe ish-kryetari i PDK-së, Kadri Veseli.
Përmes një njoftimi në rrjetet sociale, Hoxhaj ka bërë të ditur se i ka takuar ata dhe ka vlerësuar qëndrueshmërinë dhe dinjitetin e tyre gjatë kësaj periudhe. Ai shprehu bindjen se procesi gjyqësor po i afrohet fundit, duke theksuar se besimi i të akuzuarve në të vërtetën mbetet i palëkundur.
Duke iu referuar zhvillimeve të ardhshme, Hoxhaj përmendi muajin shtator si periudhën kur pritet shpallja e aktgjykimit në çështjen ndaj ish-krerëve të Ushtrisë Çlirimtare të Kosovës (UÇK). Në përfundim, ai u shpreh se pret ditën kur Thaçi dhe Veseli do të kthehen në Kosovë, duke vlerësuar kontributin dhe vendin e tyre në shoqëri.