Zyrtarët e Partisë Demokratike të Kosovës, Memli Krasniqi dhe Abelard Tahiri, kanë vizituar sot në takime të ndara ish-presidentin Hashim Thaçi në paraburgimin e Hagës.
Krasniqi ka bërë të ditur përmes një postimi në rrjetet sociale se qëllimi i vizitës ishte të qëndronin pranë Thaçit dhe bashkëluftëtarëve të tij gjatë kësaj faze. Ai ka theksuar se Thaçi mbetet i qetë, i palëkundur dhe me besim të plotë në drejtësi.
Sipas Krasniqit, ish-presidenti shpreh bindjen se shumë shpejt do të jetë sërish në mesin e qytetarëve të Kosovës. Ai ka përcjellë edhe mesazhin e Thaçit drejtuar qytetarëve: "Besoni në Kosovë!".
Postimi i Krasniqit përshkruan gjithashtu se forca, qetësia dhe optimizmi i Thaçit dhe i çlirimtarëve të tjerë mbeten të pandryshuara edhe në këtë periudhë.