Eurostat ka publikuar projeksione demografike, sipas të cilave popullsia totale e Bashkimit Evropian pritet të zvogëlohet me 11.7% ose rreth 53 milionë banorë deri në vitin 2100, duke arritur në 398.8 milionë. Këto vlerësime bazohen në të dhënat aktuale dhe parashikojnë një rënie afatgjatë pas kulmit në 453.3 milionë banorë në vitin 2029, nga 451.8 milionë në 2025.
Ndryshimet në strukturën e moshës
Përqindja e fëmijëve dhe të rinjve (0-19 vjeç) parashikohet të ulet nga 20% në 17%, ndërsa ajo e personave në moshë pune (20-64 vjeç) do të bie nga 58% në 50%. Në të kundërt, pjesa e të moshuarve do të rritet: grupmosha 65-79 vjeç nga 16% në 17%, dhe mbi 80 vjeç nga 6% në 16%.
Skenar alternativ sipas një raporti tjetër
Një raport tjetër i Eurostat-it thekson se popullsia arrin kulmin në 2026 me 453.3 milionë banorë dhe bie në 419.5 milionë deri në 2100, duke humbur 27.3 milionë krahasuar me 2022. Ky skenar parashikon ardhjen e rreth 98 milionë migrantëve. Vendet më të prekur janë Italia dhe Polonia me humbje mbi 8 milionë banorë secila, ndërsa në përqindje Letonia (37.8%) dhe Lituania (36.7%). Rënie të ndjeshme parashikohen edhe në Poloni, Rumani, Bullgaria dhe Greqi (20-30%).
Sfida për ekonominë
Plakja e popullsisë ngrit sfida për tregun e punës dhe pensionet: deri në 2050, më pak se dy persona në moshë pune për çdo të moshuar, dhe në 2100 vetëm pesë persona në moshë pune për tre të moshuar.