Fatos Geci, deputet i Lëvizjes Vetëvendosje dhe anëtar i Komisionit për Buxhet e Financa, ka njoftuar se paga e 13-të do të shpërndahet të martën, më 31 mars.
Geci publikoi në Facebook një foto me ministrin e Financave Hekuran Murati, ku shkroi: «Njoftim për qytetarët. Rroga e 13-të do të shpërndahet të martën, më 31 mars, pasi kohëve të fundit disa institucione dhe individë kanë shpërndarë informacione të pavërteta në lidhje me këtë çështje. Urime!».
Ai theksoi se shpërndarja ndodh në fund të këtij muaji, duke sqaruar kështu informacionet e mëparshme të pasakta.
Ndryshe, paga e 13-të për sektorin publik u premtoi nga kryeministri Albin Kurti gjatë fushatës zgjedhore të 28 dhjetorit. Kjo masë është përfshirë në Buxhetin për vitin 2026.
Përditësime
Kryeministri Albin Kurti deklaroi në fillim të këtij muaji, gjatë mbledhjes së Këshillit të Përgjithshëm të LVV-së, se paga e 13-të për punëtorët e sektorit publik shpërndahet më 31 mars.