Fermerët janë mbledhur në një protestë para godinës së Ministrisë së Bujqësisë për të kërkuar zgjidhje për gjendjen e rënduar në sektorin e blegtorisë. Situata është përkeqësuar pas mbylljes së përkohshme të qumështores Vita, e cila ka rezultuar me ndërprerjen e grumbullimit të qumështit prej katër ditësh, duke rrezikuar falimentimin e fermave.
Në lidhje me këtë situatë, kryetari i nderit i Aleancës për Ardhmërisë së Kosovës, Ramush Haradinaj, ka reaguar përmes një njoftimi publik. Ai ka vlerësuar se pamjet e derdhjes së qumështit në lumenj dhe rrugë, si formë e protestës së fermerëve, janë të dhimbshme dhe shqetësuese.
Haradinaj ka kritikuar Qeverinë në detyrë, duke e cilësuar qasjen e saj si armiqësore ndaj prodhuesit vendor. Ai u ka bërë thirrje institucioneve të shtetit që t'i marrin seriozisht kërkesat e fermerëve, t'i trajtojnë ata si partnerë në zhvillimin ekonomik dhe të ndërmarrin masa urgjente për kompensimin e dëmeve financiare të shkaktuara nga kjo krizë.