Kthimi i haxhilerëve nga vendet e shenjta ka filluar zyrtarisht, pasi grupi i parë i besimtarëve mbërriti mëngjesin e sotëm në Aeroportin e Prishtinës. Sipas njoftimit të Bashkësisë Islame të Kosovës (BIK), besimtarët janë kthyer pas përfundimit të riteve fetare në Qabe, Xhaminë e Pejgamberit, Arafat dhe Muzdelife.
Sivjet, nga Kosova në Haxh morën pjesë 1 mijë e 567 besimtarë. Bashkësia Islame e Kosovës ka organizuar kthimin e tyre në grupe, ndërsa pritet që i gjithë procesi të përmbyllet deri më 8 qershor.
Përditësime
Ka nisur kthimi i haxhilerëve nga Kosova në vendlindje, një proces që po shoqërohet me emocione dhe takime mes familjarëve. Bashkësia Islame e Kosovës (BIK) njoftoi se qindra qytetarë kanë përmbyllur pelegrinazhin e tyre në Mekë dhe Medinë, duke e vlerësuar mbarëvajtjen e udhëtimit të këtij viti si të suksesshëm.