Komisariati i Policisë Nr. 3 në Tiranë finalizoi operacionin e koduar “Kioskat”, duke zbardhur 12 raste vjedhjesh në kioska në zona të ndryshme të kryeqytetit.
Operacioni u zhvillua si rezultat i veprimeve hetimore dhe operacionale, të kryera menjëherë pas denoncimeve të qytetarëve për vjedhje gjatë periudhës prill-maj 2026, në kioskat në juridiksionin e këtij komisariati.
Policia identifikoi, lokalizoi dhe arrestoi shtetasin Xh. M., 23 vjeç, autor të dyshuar të këtyre 12 rasteve, si dhe të vjedhjes së 1 biçiklete.
Ky shtetas është i dënuar më parë për vjedhje dhe për krime në fushën e narkotikëve. Hetimi vazhdon për të zbardhur vjedhje të tjera që mund të ketë kryer.
Materialet procedurale iu referuan Prokurorisë së Tiranës për veprime të mëtejshme.