Një lokal në zonën e Lungomares në Vlorë u përfshi nga flakët mbrëmjen e të hënës, më 23 shkurt 2026.
Sipas informacioneve paraprake, bëhet fjalë për një bar të ndërtuar kryesisht me material drusor, çka favorizoi përhapjen e shpejtë të zjarrit brenda pak minutash. Flakët rrezikuan edhe ambientet përreth.
Forcat zjarrfikëse kanë mbërritur menjëherë në vendngjarje dhe kanë izoluar flakët, duke shmangur përhapjen e mëtejshme. Deri tani nuk raportohet për persona të lënduar.
Dëmet materiale janë të konsiderueshme. Shkaqet e zjarrit mbeten të paqarta, ndonëse një burim përmend dyshimin për një shkëndijë elektrike. Hetimet pritet të zbardhin rrethanat.
Policia ka nisur dokumentimin e rastit dhe ka rrethuar zonën për arsye sigurie.