Në Maqedoninë e Veriut është duke u zhvilluar Kampionati i 26-të Botëror i Peshkimit të Krapit (FIPSed World Carp Fishing Championship), aktivitet që ka nisur më 2 shtator dhe do të zgjasë deri më 5 shtator 2026. Gjatë ceremonisë së prezantimit të delegacioneve, flamuri i Republikës së Kosovës u shfaq me shtatë yje, ndonëse flamuri zyrtar i shtetit të Kosovës përbëhet nga gjashtë yje.
Ngjarja ka ngritur pikëpyetje mbi protokollin dhe mënyrën e paraqitjes së simboleve shtetërore gjatë këtij kampionati ndërkombëtar. Maqedonia e Veriut aktualisht udhëhiqet nga kryeministri Hristijan Mickoski, lider i partisë VMRO-DPMNE, në një koalicion qeverisës ku bën pjesë edhe Koalicioni VLEN si partner shqiptar.