Forca e Sigurisë së Kosovës (FSK) i është bashkuar shteteve partnere në ushtrimin ndërkombëtar Mittelmark 2026, që po realizohet në Gjermani.
Në këtë ushtrim, një skuadër transporti nga Komanda e Logjistikës po realizon operacione, e integruar plotësisht në strukturat e ushtrisë gjermane. FSK-ja operon me automjetet e saj logjistike.
Ushtrimi ka në fokus zhvillimin e kapaciteteve në fushën e transportit dhe mbështetjes logjistike në klasat I, III dhe V.
Sipas njoftimit zyrtar, pjesëtarët e Komandës së Logjistikës po kryejnë me sukses detyra mbështetëse në transport, duke dëshmuar profesionalizmin dhe ndërveprueshmërinë në mjedis ndërkombëtar.