Forca e Sigurisë së Kosovës (FSK) ka publikuar pamje nga aksioni i kërkim-shpëtimit të zhvilluar në lumin Lumbardhi të Deçanit, ku u gjet trupi i pajetë i Shyhrete Pajaziti, 55-vjeçare.
Ajo ishte zhdukur disa ditë më parë.
Ekipet e Kërkim-Shpëtimit Ujor të Gardës Kombëtare të FSK-së vepruan në koordinim me Policinë e Kosovës dhe autoritetet lokale.
Aksioni u zhvillua pas kërkesës së Qendrës së Situatave të Qeverisë së Kosovës dhe me urdhër të Komandantit të FSK-së.
Sipas njoftimit të FSK-së, pas kërkimeve intensive, ekipet arritën të gjejnë trupin e pajetë të personit me inicialet SH.P..
Pas evakuimit, trupi iu dorëzua Mjekësisë Ligjore dhe Policisë së Kosovës për procedurat e mëtejme.