Forca e Sigurisë së Kosovës (FSK) ka ndërmarrë një ushtrim fushor për të testuar dhe avancuar kapacitetet e saj operacionale. Ushtrimi, i emërtuar Ujku i Pamposhtur 01, është zhvilluar në zonën e Aeroportit të Gjakovës dhe në Babaj të Bokës.
Në këtë operacion janë përfshirë njësi të kombinuara të forcave tona, ndër të cilat:
• Komanda e Forcave Tokësore
• Togu i IVR-së
• Kompania Mbështetëse e RML-së
• Togje të Komandës së Logjistikës
• Policia Ushtarake
Sipas njoftimit zyrtar, qëllimi i këtij aktiviteti ka qenë validimi i aftësive operacionale, rritja e gatishmërisë luftarake, përmirësimi i koordinimit ndërmjet njësive dhe zhvillimi i kapaciteteve për përmbushjen e detyrave në përputhje me standardet më të larta profesionale. Fotografitë nga ky ushtrim janë bërë publike nga vetë institucioni në rrjetet sociale.