Qeveria gjermane ka finalizuar bazat e një reforme thelbësore në sistemin e pensioneve, e cila pritet të miratohet në Bundestag brenda vitit 2026. Vendimi vjen si pasojë e plakjes së shoqërisë dhe ngadalësimit të ekonomisë, duke ndjekur rekomandimet e një komisioni prej 13 ekspertësh.
Shtylla kryesore e reformës është futja e detyrueshme e një fondi investimesh, ku një pjesë e kontributeve të punonjësve do të investohet në tregjet financiare. Sa i përket moshës ligjore të daljes në pension, ajo do të vijojë të rritet për të arritur në 67 vjeç deri në vitin 2031, ndërsa pragu i 70 viteve për pension të rregullt nuk do të arrihet para vitit 2092.
Kancelari Friedrich Merz ka garantuar se pensionet aktuale nuk do të pësojnë shkurtime. Reforma synon të krijojë një sistem më të qëndrueshëm, të ngjashëm me modelin e Suedisë, për t'u përballur me mungesën e fuqisë punëtore. Ndryshimet pritet të kenë ndikim edhe te popullsia migrante; personat që kanë hyrë vonë në tregun gjerman të punës ose që kanë pasur ndërprerje në pagesën e sigurimeve shoqërore, mund të kenë përfitime më të ulëta.
Përditësime
Qeveria gjermane ka zyrtarizuar reformën e sistemit të pensioneve, e cila parashikon rritje të ndjeshme të përfitimeve. Pas ndryshimeve, pensionistët me 20 vite kontribute do të përfitojnë një shtesë mujore prej 150 euro, ndërsa ata me 45 vite punë do të përfitojnë mbi 770 euro shtesë. Reforma zgjeron bazën e kontribuesve, duke përfshirë edhe të vetëpunësuarit. Analisti Auron Dodi vlerëson se kontributi i migrantëve mbetet thelbësor për qëndrueshmërinë e sistemit dhe ekonomisë gjermane.