Stephan Leithner, drejtori i Deutsche Börse, ka kërkuar ndryshime thellë dhe urgjente në sistemin e pensioneve të Gjermanisë. Ai deklaroi se shteti po shpenzon gjithnjë e më shumë para nga buxheti federal për të mbuluar boshllëqet në këtë sistem.
“Nuk mund të rrimë më duarkryq ndërsa gjithnjë e më shumë para nga buxheti federal nevojiten për të mbuluar boshllëqet në sistemin e pensioneve”, tha Leithner për agjencinë Dpa, sipas KosovaPress.
Sipas tij, sistemi bazohet në tre shtylla kryesore: pensioni shtetëror, pensioni nga puna dhe kursimet private të individëve. Leithner theksoi nevojën për kursime më të mëdha personale përmes investimeve.
Qeveria gjermane ka ndërmarrë hapa si llogari investimi të mbështetura nga shteti dhe skema pensioni që fillon herët për fëmijët me kontribute mujore shtetërore. Ai propozoi një pagesë fillestare prej 4 mijë euro (rreth 4 mijë e 591 dollarë) për çdo fëmijë në lindje, për të shfrytëzuar interesin e përbërë.
Gjithashtu, Leithner sugjeroi që çdo kontratë pune të përfshijë automatikisht një skemë pensioni nga punëdhënësi. Ai shprehu besim se një komision qeveritar do të nxjerrë rezultate deri në mesin e vitit.
Kancelari Friedrich Merz ka thënë se qeveria synon të ribalancojë tre shtyllat e sistemit të pensioneve këtë vit dhe të rregullojë më mirë të gjithë mekanizmin.