Seanca gjyqësore në lidhje me dosjen "Partizani" u ndërpre ditën e sotme, ndërsa trupi gjykues ka caktuar vijimin e shqyrtimit në datën 22 qershor, ora 10:00.
Gjatë seancës së zhvilluar, janë dëgjuar dëshmitë e dy dëshmitarëve:
• Genc Ruli, ish-ministër i Ekonomisë
• Violeta Shqevi, ish-drejtoreshë e Sportit
Dëshmitarët iu janë përgjigjur pyetjeve të prokurorëve dhe palëve ndërgjyqëse në lidhje me procedurat e privatizimit dhe mënyrën e administrimit të ish-kompleksit sportiv "Partizani".
Procesi gjyqësor, ku ndër të pandehurit figuron edhe kryetari i PD, Sali Berisha, do të vazhdojë me shqyrtimin e mëtejshëm të provave dhe dëshmive të tjera në seancën e ardhshme.
Përditësime
Gjykata e Posaçme (GJKKO) ka vendosur zgjerimin e procesit gjyqësor për dosjen “Partizani”, duke përfshirë zyrtarisht në proces Jamarbër Malltezin dhe tre persona të tjerë. Prokuroria e Posaçme (SPAK) i akuzon të pandehurit për korrupsion dhe pastrim parash.