Në seancën e zhvilluar në GJKKO, prokurorët e SPAK kanë kërkuar dërgimin e dosjes për gjykim. Çështja përqendrohet në procedurat e zhvilluara gjatë vitit 2020, ndër të cilat përfshihet edhe ndërtimi i rrugës Korçë–Ersekë, Loti 2.
Ndër të pandehurit, krahas kryebashkiakut Erion Isai, janë edhe ish-zyrtarë të lartë të Autoritetit Rrugor Shqiptar (ARRSH) dhe punonjës të bashkisë. Lista e personave të përfshirë përfshin:
• Erion Isai (Kryetar i Bashkisë Kolonjë)
• Eljona Mydini (Ish-zv.kryetare e Bashkisë Kolonjë)
• Ergys Verdho (Ish-kreu i ARRSH-së)
• Erald Elezi, Genti Raça, Donikë Shehu, Klarita Konomi, Nikollaq Mihali, Erdit Salillari (Ish-drejtues dhe specialistë të ARRSH-së)
• Erjon Cenko, Engjëll Dine, Ermal Zylfo, Armand Tafil, Muharrem Tartari, Shpëtim Liço (Punonjës të Bashkisë Kolonjë)
Akuzat kryesore që rëndojnë mbi të pandehurit përfshijnë shpërdorimin e detyrës, shkeljen e barazisë në tendera dhe falsifikimin e dokumenteve. Sipas hetimeve të organit të akuzës, në proceset e tenderimit janë vërejtur shkelje të rregullave ligjore dhe favorizime të mundshme gjatë procedurave. Në përfundim të seancës paraprake, gjykata do të vendosë mbi fatin e mëtejshëm të dosjes.