Gjykata e Tiranës ka vendosur pezullimin nga detyra të kreut të Inspektoriatit të Mbrojtjes së Territorit (IMT), Rigers Sheqeri. Masa e sigurisë u mor para disa ditësh, me kërkesë të prokurorit Julian Xhengo, i cili ka paraqitur prova për dyshime abuzimi me lejet dhe ndërtimet në kryeqytet.
Ndaj Sheqerit rëndon akuza për "shpërdorim të detyrës". Hetimet po thellohen për një skemë të dyshuar, ku dyshohet se Sheqeri ka lejuar ndërtime të paligjshme brenda një kompleksi banimi në pronësi të ndërtuesit Pandeli Carapuli. Ndaj këtij të fundit, gjykata ka caktuar masën e bllokimit të pasaportës, për të penguar largimin nga vendi.
Me të njëjtin vendim, gjykata ka shpallur në kërkim dy inspektorë të IMT-së. Kjo ngrit dyshime për një rrjet të strukturuar brenda institucionit, i cili mund të ketë toleruar ose favorizuar ndërtime pa leje.
Strukturat ligjzbatuese po vijojnë hetimet për të sqaruar plotësisht mekanizmin e dyshuar dhe për të përcaktuar përgjegjësitë përkatëse. Nuk ka ende një qëndrim publik nga vetë Sheqeri lidhur me vendimin e gjykatës.
Përditësime
Gjykata e Tiranës vendosi masën detyrim paraqitjeje dhe ndalim daljeje jashtë shtetit ndaj Rigers Sheqerit, kreut të IMT-së.
Ai kishte marrë leje punimesh, por jo leje ndërtimi për barrierë zhurmash në një zonë të Tiranës.