Gjykata Kushtetuese e Republikës së Shqipërisë ka bërë publike datat e seancave plenare për disa çështje të rëndësishme që do të trajtohen gjatë vjeshtës, të cilat do të zhvillohen mbi bazë dokumentesh.
Kalendari i seancave
29 shtator 2026, ora 10:00: Do të shqyrtohet kërkesa për verifikimin e zgjedhshmërisë së Endri Shabanit si Avokat i Popullit, si dhe kërkesa për shfuqizimin dhe pezullimin e vendimit të Kuvendit për emërimin e tij.
29 shtator 2026, ora 11:00: Do të trajtohet kërkesa e Ervin Salianjit, i cili kundërshton vendimet e Gjykatës së Lartë, Gjykatës së Apelit të Juridiksionit të Përgjithshëm dhe Gjykatës së Rrethit Gjyqësor Tiranë, duke i cilësuar ato si të papajtueshme me Kushtetutën.
8 tetor 2026, ora 11:00: Gjykata do të shqyrtojë kërkesën e kreut të Partisë Demokratike, Sali Berisha. Ai kërkon shfuqizimin e vendimeve të Gjykatës së Posaçme të Apelit për Korrupsionin dhe Krimin e Organizuar dhe Kolegjit Penal të Gjykatës së Lartë, me synim heqjen e masës së sigurimit “detyrim për paraqitje”.