Gjykata Kushtetuese vendosi më 19 mars 2026 kalimin për shqyrtim në seancë plenare të kërkesës së Partisë Demokratike për verifikimin e procedurës së zgjedhjes së Avokatit të Popullit dhe kushtetutshmërinë e vendimit të Kuvendit të Shqipërisë.
Kolegji i Gjykatës Kushtetuese e kaloi çështjen në bazë të dokumenteve që kërkojnë:
- Verifikimin e zgjedhshmërisë dhe papajtueshmërive në ushtrimin e funksioneve të Avokatit të Popullit, përfshirë procedurën e zgjedhjes së shtetasit Endri Shabani, si dhe konstatimin e papajtueshmërisë me Kushtetutën.
- Shfuqizimin e vendimit nr. 111, datë 11 dhjetor 2025, "Për zgjedhjen e Avokatit të Popullit", të Kuvendit të Shqipërisë.
- Pezullimin e këtij vendimi deri në dhënien e një vendimi përfundimtar nga Gjykata Kushtetuese.
Vendimi u publikua në faqen zyrtare të Gjykatës Kushtetuese.
Endri Shabani u zgjodh Avokat i Popullit në dhjetor 2025, vetëm me votat e mazhorancës. Partia Demokratike iu drejtua Gjykatës Kushtetuese në janar 2026 me padi për mënyrën e zgjedhjes së tij.