Gjykata Kushtetuese vendosi më 25 shkurt 2026 të mos kalojë në seancë plenare çështjen e ngritur nga Adriana Kalaja lidhur me procedurën e zgjedhjes së Avokatit të Popullit nga Kuvendi i Shqipërisë.
Në kërkesën e saj, Kalaja kërkoi konstatimin si antikushtetues dhe të paligjshëm të procedurës së zgjedhjes së Avokatit të Popullit, si dhe shpalljen e pavlefshme dhe shfuqizimin e saj si të papajtueshme me Kushtetutën, duke iu referuar votimit të datës 11 dhjetor 2025.
Gjykata refuzoi kalimin në seancë të të gjitha këtyre kërkesave, duke konfirmuar zgjedhjen e Endrit Shabanit si Avokat i Popullit. Shabani u zgjodh me 85 vota pro, zero abstenime dhe 3 vota kundër, ndërsa vendet e parlamentarëve të opozitës mbetën bosh pasi ata u larguan para votimit.
Më 12 janar 2026, Partia Demokratike paraqiti një padi të ngjashme në Gjykatën Kushtetuese, e cila nuk u mor në konsideratë në këtë vendim.