Gjykata e Shkallës së Parë të Juridiksionit të Përgjithshëm Tiranë, Dhoma Penale, shqyrtoi kërkesën e Prokurorisë për vlefësimin e arrestit në flagrancë dhe caktimin e masave të sigurimit ndaj tre personave të dyshuar në lidhje me plagosjen e një 18-vjeçareje në hotelin "Gjuta" në Sauk.
Gjykata, pas dëgjimit të palëve dhe shqyrtimit të provave, vendosi:
Për Erisjaldo Gjuta, 22 vjeç, të dyshuar për "Moskallëzimin e krimit" (neni 300), "Veprimet që pengojnë zbulimin e së vërtetës" (neni 301) dhe "Mbajtjen pa leje dhe prodhimin e armëve, armëve shpërthyese dhe municionit" (neni 278, paragrafi 1, i Kodit Penal): arrest në burg (neni 238 i Kodit të Procedurës Penale).
Për Vladimir Gjuta, të dyshuar për nenet 300 dhe 301 të Kodit Penal: detyrim për t'u paraqitur në policinë gjyqësore (neni 234).
Për Mirvete Gjuta, të dyshuar për nenet 300 dhe 301 të Kodit Penal: detyrim për t'u paraqitur në policinë gjyqësore (neni 234).
Vendimi u arsyetua në mënyrë të përmbledhur dhe u mor në bazë të nenëve 112, 228-230, 238, 244, 251 dhe 252 të Kodit të Procedurës Penale.
Përditësime
Prokuroria ka konfirmuar se Natalia Murati, 18 vjeçe, u vetëplagos në mesnatën e 14 shkurtit në Sauk. Familja fshehu armën, pastroi gjakun dhe falsifikoi vendngjarjen, duke deklaruar te Rrethi i Ekonomikut.
Sajmir Gjuta (49 vjeç, babai) dhe Elvir Gjuta (24 vjeç, kushëri) janë të kërkuar sipas neneve 300 dhe 301.
Vladimir Gjuta (46 vjeç) paraqitet çdo të hënë në orën 10:30.
Mirvete Gjuta është 48 vjeçe.