Gjykata Supreme e Kosovës ka pranuar gjashtë ankesa administrative kundër vendimeve të Panelit Zgjedhor për Ankesa dhe Parashtresa (PZAP) pas shpalljes së rezultateve përfundimtare të zgjedhjeve të 28 dhjetorit nga Komisioni Qendror i Zgjedhjeve (KQZ).
Zëdhënësja e Gjykatës Supreme, Antigona Uka, bëri të ditur se ankesat janë parashtruar brenda afatit 48-orësh nga vendimet e PZAP-së. Gjykata Supreme ka afat pesë ditësh për të vendosur në lidhje me to. Pas këtij vendimi, KQZ-së i hapet rruga për të certifikuar rezultatet përfundimtare.
PZAP shqyrtoi shtatë ankesa dhe miratoi vetëm njërën, atë të Listës Srpska kundër KQZ-së për mosshpalljen e rezultatit përfundimtar të shtunën vetëm për këtë parti dhe kandidatët e saj. Gjashtë ankesa të tjera u rrëzuan.
Ankesat në Gjykatën Supreme janë:
• Partia Rome e Bashkuar e Kosovës;
• Koalicioni PAI–PDAK–LPB;
• Emilia Rexhepi (NDS);
• Partia e Re Demokratike (Nova Demokratski Stranka – NDS), Prizren;
• Dy ankesa nga Bekim Haxhiu.
Të gjitha ankesat kundërshtojnë vendimet e PZAP-së.