Një gjyqtare 35-vjeçare dhe nëna e saj 66-vjeçare u rrëmbyen në banesën e tyre në Saint-Martin-le-Vinoux, pranë Grenoble në Francën juglindore, në orët e hershme të së mërkurës. Ngjarja raportohet nga e përditshmja franceze Le Parisien.
Dyshohet se autorët i futën dy gratë në bagazhin e një automjeti, ndërsa në vendin e rrëmbimit u gjetën gjurmë gjaku. Partneri i gjyqtares, drejtues në një kompani që vepron në fushën e kriptomonedhave, nuk ndodhej në banesë gjatë incidentit.
Dy gratë u mbajtën peng për rreth 30 orë dhe u gjetën të premten në mëngjes në Bourg-lès-Valence, rreth 100 kilometra larg vendit të rrëmbimit. Ato u zbuluan të lidhura brenda një garazhi nga një fqinj që hapi derën pas zhurmave të dyshimta.
Të lënduara, gratë u dërguan në spital për ndihmë mjekësore. Deri tani nuk janë bërë arrestime.
Sipas një burimi policor, autorët kërkuan shpërblim në bitcoin me vlerë rreth 1.6 milionë eurosh. Nuk dihet nëse shpërblimi u pagua.