Një grabitje e dhunshme në provincën e Vareses të Italisë ka përfunduar me vdekjen e një grabitësi 37-vjeçar nga një familje nomade.
Sipas raportimeve paraprake, dy persona hynë me forcë në një apartament duke thyer derën e banesës. Brenda, ata u përballën me pronarin, çka çoi në një përleshje fizike. Gjatë konfliktit, pronari u godit disa herë me grushte në fytyrë, ndërsa grabitësi u plagos rëndë, me gjasë nga një goditje me thikë e dhënë nga pronari.
Pas ngjarjes, dy grabitësit u larguan me ndihmën e një bashkëpunëtori të tretë që i priste jashtë me makinë. Duke parë gjendjen e rëndë të shokut, ata e lanë para derës së spitalit të Magentas dhe u larguan. Pavarësisht ndihmës mjekësore të menjëhershme, 37-vjeçari vdiq pak pas mbërritjes në spital.
Pronari i banesës u plagos gjithashtu gjatë përleshjes nga grushte dhe shqelma dhe ndodhet në spital për trajtim mjekësor.
Autoritetet italiane po hetojnë rrethanat e plagosjes fatale në provincën e Vareses.