Sipas të dhënave të Eurostat, gratë në Shqipëri jetojnë mesatarisht 82.5 vite, rreth katër vite më shumë se burrat, të cilët arrijnë 78.6 vite. Kjo diferencë gjinore reflektohet në jetëgjatësinë mesatare të popullsisë shqiptare, e cila llogaritet në 80.5 vite.
Jetëgjatësia ndryshon sipas rajoneve të vendit. Në zonat jugore ajo arrin 80.77 vite, ndërsa në ato qendrore 80.74 vite. Në veri, treguesi është më i ulët, me 79.2 vite.
Krahasuar me Bashkimin Europian, mesatarja shqiptare është gati një vit më e ulët se 81.5 vite. Në nivel europian, jetëgjatësia u ul në vitin 2020 në 80.4 vite dhe në 2021 në 80.1 vite për shkak të pandemisë së COVID-19. Megjithatë, ajo është rikuperuar dhe ka tejkaluar nivelin e vitit 2019, kur ishte 81.3 vite.
Ndër rajonet europiane me jetëgjatësinë më të lartë dallohen:
- Rajoni i Madridit në Spanjë me 85.7 vite;
- Rajonet italiane të Trentos dhe Bolzanos;
- Kryeqyteti suedez Stokholm me 85.0 vite.
Përditësime
Shqipëria renditet e 46-të nga 193 vende në botë për jetëgjatësi, para SHBA-së në vendin e 47-të.
Shqipëria tejkalon në jetëgjatësi vende si:
- Bullgaria, Rumania, Gjeorgjia, Serbia, Armenia;
- Mali i Zi, Maqedonia, Bjellorusia, Çekia, Sllovakia;
- Kosova, Hungaria, Kroacia, Azerbajxhani, Rusia;
- Turqia, Polonia, Bosnja, Sllovenia, Lituania, Letonia, Estonia.