Një ngjarje e rëndë është raportuar në Greqi, ku një e mitur 15-vjeçare është abuzuar seksualisht nga një bashkëkombës i saj 14-vjeçar. Sipas informacioneve të bëra publike, incidenti ka ndodhur gjatë muajit dhjetor 2025, por është denoncuar dhe ka marrë vëmendje mediatike vetëm së fundmi.
Sipas hetimeve, adoleshenti përveç detyrimit për marrëdhënie pa pëlqim, ka filmuar gjithë skenën, duke krijuar materiale të paligjshme. Pas raportimit, forcat e rendit kanë ndërhyrë në banesën e 14-vjeçarit, ku kanë gjetur dhe sekuestruar pajisje të ndryshme teknologjike dhe media dixhitale.
Aktualisht, materialet e sekuestruara janë dërguar për ekspertizë në Nëndrejtorinë e Hetimeve Mjeko-Ligjore të Greqisë Veriore. Personeli i specializuar po kryen testime laboratorike për të zbardhur rrethanat e ngjarjes, të cilat do të shërbejnë si provë në procedimet e mëtejshme ligjore ndaj të pandehurit.