Pasditen e së shtunës, 28 marsit, në liqenin artificial të Castelguglielmo-s, në provincën e Rovigos të Italisë, u gjetën dy trupa të pajetë: ai i një gruaje dhe i një foshnje rreth një vjeç.
Alarmi u dha nga një kalimtar i rastit, i cili njoftoi menjëherë autoritetet. Trupat u nxorën nga uji nga forcat zjarrfikëse. Në zonë mbërriti një helikopter me ekipin e zhytësve nga Bolonja për të kryer kontrolle të mëtejshme në sipërfaqen ujore.
Hetimet janë në fazë fillestare dhe nuk përjashtohet asnjë pistë, nga aksidenti i mundshëm deri te akti i qëllimshëm. Forcat e rendit po punojnë në vendngjarje për të zbardhur rrethanat.
Viktimat ende nuk janë identifikuar, çka e lë të paqartë nëse bëhet fjalë për nënë e bir. Pranë vendit të ngjarjes u gjet edhe një karrocë fëmijësh.
Çështjen po e heton karabinierët, nën drejtimin e prokurorisë së Rovigos. Kontrolli i parë tregoi se trupat nuk kanë shenja dhune. Personi që dha alarmin është marrë në pyetje nga autoritetet.