Një ngjarje e rëndë ka ndodhur në Castelguglielmo, në provincën e Rovigos në Itali, ku zjarrfikësit kanë nxjerrë nga një liqen artificial trupat e pajetë të një gruaje dhe një fëmije rreth një vjeç.
Rrethanat e ngjarjes mbeten të paqarta. Autoritetet kanë nisur hetimet për të përcaktuar shkaqet. Mediat vendase raportojnë se në vendngjarje janë angazhuar forca të shumta zjarrfikëse.
Për të mbështetur kërkimet, një helikopter me zhytës profesionistë është dërguar në zonë. Ai po kontrollon ujërat për të siguruar nëse ka persona të tjerë të përfshirë ose prova të tjera që mund të ndihmojnë hetimin.