Pep Guardiola, trajneri i Mançester Sitit, foli në prag të finales së Kupës së Karabaos kundër Arsenalit, e cila luan sot në orën 17:00.
Ai vlerësoi sezonin e skuadrës së tij si "më shumë se i mirë", por nënvizoi se, duke e gjykuar nga titujt e fituar, u duhet diçka më shumë. "Nuk e di çfarë do të ndodhë, por ky sezon ka qenë më shumë se i mirë. Sigurisht, nëse e gjykon nga titujt, atëherë është e qartë se na duhet diçka më shumë", tha Guardiola.
Kur u pyet se çfarë i mungon aktualisht Mançester Sitit, trajneri nuk hyri në detaje. Ai la të kuptohej se përgjigjja ekziston: "E di, e di… por nuk do ta them. Por e di, dhe lojtarët e dinë gjithashtu".