Kryetari i Partise Demokratike te Kosoves (PDK) dhe kandidati per kryeminister, Bedri Hamza, ka vizituar kompanine Muqa Solar. Ai e vleresoi kete subjekt si shembull te investimeve te mençura qe krijojne vlere per ekonomine dhe mireqenie per qytetaret.
Hamza theksoi se zhvillimi ekonomik i Kosoves duhet te mbeshtetet te bizneset prodhuese, inovative dhe ato qe investojne ne energjine e paster. Sipas tij, keto ndermarrje rrisin konkurrueshmërine e vendit dhe hapin vende te reja pune. "Bizneset qe investojne, hapin vende pune dhe sjellin inovacion do ta kene gjithmone mbeshtetjen e shtetit ne qeverisjen time", deklaroi Hamza.
Kandidati per kryeminister kritikoi qeverine aktuale per mungesen e rezultateve ne zhvillimin ekonomik dhe ne realizimin e projekteve kapitale. Ai pyeti publikisht se ku kane mbetur premtimet per autostradat, fabrikat, çerdhet, stadiumet, parqet solare dhe digat, duke shtuar se pas gati gjashte viteve qeverisje, qytetaret ende nuk i kane pare ato.
Sipas Hamzes, Kosova ka nevoje per nje qeveri qe e trajton sektorin privat si partner strategjik, duke ofruar tatime me te ulëta dhe politika qe nxisin prodhimin vendor. Ai vleresoi se qytetaret tashme e kane kuptuar dështimin e qeverise aktuale dhe se zgjedhjet e 7 qershorit perfaqesojne nje mundesi per te nisur nje drejtim te ri zhvillimor, duke e mbyllur fjalen e tij me moton: "Stop krizës. Ndrysho Kosovën".