Bedri Hamza, kryetar i Partisë Demokratike të Kosovës, priti më 27 mars 2026 në Prishtinë një delegacion të Bashkimit Evropian të udhëhequr nga Emanuele Giaufret, zëvendësdrejtor menaxhues i EEAS-it për Evropën Perëndimore.
Gjatë takimit u diskutua për zhvillimet aktuale politike dhe ekonomike në Kosovë, si dhe rëndësinë e thellimit të bashkëpunimit ndërmjet Kosovës dhe BE-së.
Hamza vlerësoi pozitivisht vendimin e BE-së për heqjen e masave ndaj Kosovës, duke e cilësuar si hap që forcon partneritetin dhe perspektivën evropiane të vendit. Ai theksoi se një Kosovë stabile dhe rajon stabil janë në interes të përbashkët të popujve të Ballkanit Perëndimor dhe Bashkimit Evropian.
Kreu i PDK-së rikonfirmoi përkushtimin e partisë për bashkëpunim të ngushtë me partnerët ndërkombëtarë. Ai nënvizoi rëndësinë e mbështetjes së vazhdueshme të BE-së në përballimin e sfidave ekonomike dhe avancimin e reformave.
Në përfundim, u ritheksoi se aspirata strategjike e Kosovës mbetet integrimi në Bashkimin Evropian dhe anëtarësimi në NATO, si orientim drejt zhvillimit, stabilitetit dhe integrimit euroatlantik.