Kryetari i Partisë Demokratike të Kosovës (PDK), Bedri Hamza, zhvilloi sot një takim me të dërguarin e posaçëm të Bashkimit Evropian (BE) për dialogun Kosovë–Serbi, Peter Sørensen.
Sipas një postimi në Facebook nga Hamza, palët diskutuan për nevojën e konstituimit të institucioneve të reja, stabilitetin institucional dhe rëndësinë e rikthimit të Kosovës në agjendën e integrimit evropian.
Hamza theksoi se PDK mbetet e përkushtuar për bashkëpunim me partnerët ndërkombëtarë në shërbim të paqes dhe stabilitetit rajonal.
Ndërkohë, Sørensen zhvilloi sot takime edhe me presidenten Vjosa Osmani dhe kryeministrin në detyrë Albin Kurti.