Përdoruesit e telefonave shpesh hasin problemin e memories së mbushur, që e bën pajisjen më të ngadaltë dhe më pak funksionale.
Megjithatë, zgjidhjet janë më të thjeshta seç mund të mendoni.
Ekspertët rekomandojnë kontrollimin e hapësirës në seksionin Memorie ose Device Care të telefonit. Aplikacionet, fotot, videot dhe skedarët e shkarkuar janë përgjegjësit kryesorë për ngarkesën.
Si të kontrolloni dhe lironi hapësirën
Hyni te Cilësimet (Settings) e telefonit dhe zgjidhni seksionin për Memorie ose Device Care për të parë se çfarë po zë më shumë hapësirë.
• Fshini skedarët nga dosjet e shkarkimeve (Downloads);
• Pastroni cache-in e aplikacioneve që përdorni shpesh;
• Zbrazni koshin e skedarëve të fshirë (Recycle Bin ose Trash);
• Fshini fotografi të dyfishta ose pamje ekrani që nuk ju duhen;
• Hiqni aplikacionet që nuk i keni përdorur për një kohë të gjatë.
Ekspertët paralajmërojnë se aplikacionet e pastrimit të palëve të treta mund të jenë të rrezikshme, ndaj përdorni mjetet e integruara të sistemit.
Për të shmangur mbushjen e shpejtë të memories, bëni backup në cloud dhe fshini rregullisht skedarët e panevojshëm. Me këto hapa të thjeshtë, telefoni qëndron i shpejtë dhe funksional për më gjatë.