Në portalin e-Albania janë hapur aplikimet për shfrytëzimin e hapësirave para ose në afërsi të plazheve, për subjektet që disponojnë struktura akomoduese. Kjo mundësi vlen për sezonin veror dhe, për herë të parë, përfshin edhe strukturat e shërbimit në plazhet përjashtuese.
Subjektet e interesuara mund të ndjekin hapat e mëposhtëm:
• Identifikohuni si biznes në portalin e-Albania.
• Zgjidhni shërbimin “Kërkesë për ushtrimin e veprimtarisë si stacion plazhi”.
• Plotësoni formularin elektronik në portal.
• Përzgjidhni numrin identifikues përkatës të stacionit të plazhit ose kodin e parcelës së plazhit, duke u referuar në hartën digjitale të hapësirave të lejuara.
• Përzgjidhni llojin e strukturës për të cilën do të aplikoni.
• Ngarkoni dokumentet e nevojshme.
• Do të njoftoheni elektronikisht për rezultatin e aplikimit tuaj.
• Pas kualifikimit paraprak, ngarkoni paketën e përcaktuar të dokumenteve për fazën e dytë.
Aplikimi kryhet plotësisht në mënyrë elektronike, duke lehtësuar procesin për subjektet që plotësojnë kriteret.