Byroja Kombëtare e Hetimit ka hapur garën për pozicionin e zëvendësdrejtorit, në zbatim të nenit 31 dhe nenit 36 të Ligjit nr. 95/2016 "Për organizimin dhe funksionimin e institucioneve për të luftuar korrupsionin dhe krimin e organizuar", i ndryshuar.
Procedura u drejtohet ekskluzivisht hetuesve aktivë të BKH-së. Dokumentacioni dorëzohet fizikisht në Drejtorinë e Burimeve Njerëzore të BKH-së deri më 22 janar 2026.
Kriteret për kandidatë
Kandidatët duhet:
- të jenë hetues aktivë në BKH;
- të mos kenë masa disiplinore në fuqi;
- të kenë vlerësimin e fundit "mirë" ose "shumë mirë";
- të kenë të paktën 3 vite përvojë në hetimin e korrupsionit, krimit të organizuar ose krimeve të rënda;
- të demonstrojnë aftësi drejtuese, integritet të lartë dhe njohuri në menaxhim organizativ;
- të kenë aftësi shumë të mira komunikimi dhe njohuri të mira të gjuhës angleze.
Dokumentacioni i kërkuar
Kandidatët paraqesin:
- kërkesë për aplikim;
- platformë mbi kuptimin e funksionit të zëvendësdrejtorit dhe rolin në menaxhimin e burimeve njerëzore, komunikim, punë në grup dhe marrëdhënie ndërinstitucionale;
- jetëshkrim;
- vlerësimin e fundit nga eprori direkt;
- dokumente që vërtetojnë trajnime, kualifikime, arsimim shtesë dhe vlerësime pozitive.
Përgjegjësitë e pozicionit
Zëvendësdrejtorit i takojnë detyrat:
- funksionimi i Shërbimeve të Policisë Gjyqësore të BKH-së;
- mbarëvajtja e institucionit gjatë mungesës së drejtorit;
- ushtrimi i funksioneve drejtuese si hetues;
- raportimi te drejtor i BKH-së;
- menaxhimi i burimeve njerëzore, hartimi i politikave pune, planifikimi i trajnimeve dhe logjistikës;
- mbikëqyrja e disiplinës dhe performancës së personelit;
- asistimi i drejtorit në çështje funksionale.
Pozicioni është në kategorinë 80% e G 3. Përzgjedhja realizohet nga Drejtuesi i Prokurorisë së Posaçme dhe Drejtor i BKH-së, përmes verifikimit të dokumentacionit, vlerësimit të performancës profesionale dhe të dhënave disiplinore. Pas emërimit të Joni Ketës në krye të BKH-së, posti i zëvendësdrejtorit ka mbetur vakant.