Prokuroria e Milanos ka hapur hetim për favorizim dhe shfrytëzim prostitucioni në lokalet e jetës së natës milaneze. Denoncimi i një punonjëseje të një lokali zbuloi sistemin e organizimit të festave me eskorta luksi, ku kishin në qendër futbollistët e Serie A, përfshirë lojtarë të Interit dhe AC Milanit, si dhe klientë të tjerë VIP.
Rrjeti vepronte përmes kompanisë Ma.De Milano me seli në Cinisello Balsamo, pranë Milanos. Çifti bashkëshortor Emanuele Buttini dhe Deborah Ronchi, së bashku me dy bashkëpunëtorë, rekrutonin vajza të reja, kryesisht 18-30 vjeç, përmes postimeve në rrjetet sociale për "bashkëpunëtorë me aftësi në marrëdhëniet me publikun". Të katërt janë vendosur në arrest shtëpiak nga Guardia di Finanza.
Festat zhvilloheshin pas ndeshjeve në klube dhe hotele me pesë yje, me paketa gjithëpërfshirëse që përfshinin shoqëri, shërbime intime kundrejt pagesash mijëra eurosh dhe thithje oksidi azoti në tullumbace, i cili nuk zbulohet në testet antidoping. Reklamoheshin si evente ekskluzive në Instagram. Edhe gjatë periudhës së kufizimeve nga Covid-19, ngjarjet vazhdueshin pothuajse çdo ditë.
Një dëshmitare, që jetonte në të njëjtën ndërtesë me agjencinë nga 2019 deri në 2023, denoncoi më 23 gusht 2024. Ajo rrëfeu se menaxherët merrnin të paktën 50% të të ardhurave, ndërsa vajzat pjesën tjetër. Sekuestruar 1.2 milionë euro nga shërbimet për rreth 50 lojtarë dhe biznesmenë. Hetimi udhëhiqet nga zëvendësprokurorja Bruna Alberti, me urdhër nga gjyqtarja Chiara Valori.
Përditësime
Autoritetet në Milano dyshojnë të paktën 70 futbollistë nga Juventus, Verona, Torino, Monza dhe Sassuolo – përveç Inter dhe Milan – për përfshirje në një rrjet prostitucioni.
Dy bashkëpunëtorë u identifikuan si Alessio Salamone dhe Luan Fraga.
Përgjimet përmbajnë referenca për Just Cavalli dhe hotelin Me, biseda për një klient pilot F1, si dhe transferta parash.
Prokuroria konfirmoi se asnjë klient nuk është nën hetim, pasi nuk kanë kryer krim.
Autoritetet italiane identifikuan të arrestuarit: Deborah Ronchi (38 vjeç), Emanuele Buttini (37 vjeç), Fabio Barbera (36 vjeç) dhe Alessio Salamone (32 vjeç). Fabio Barbera u vendos në arrest shtëpiak.
Rrjeti operonte në 26 lokale nate në Milano dhe Mykonos gjatë verës.
Vajzat merrnin 10% të të ardhurave nga pijet, ndërsa futbollistët shpenzonin deri 3000 euro për natë.
Nga përgjimet:
- Buttini: "takime natën vonë me futbollistë".
- Barbera: "alarm" me Salamone.
Përmenden drogëra të tjera në klube, përveç oksidit azoti.