Një ngjarje e rëndë është shënuar mbrëmjen e kaluar në Himarë, ku një elektricist 55-vjeçar, punonjës i OSHEE-së, ka humbur jetën gjatë kryerjes së detyrës. Viktima po punonte për riparimin e rrjetit elektrik, të dëmtuar nga moti i keq dhe stuhia e fortë që goditi zonën.
Stuhia, e shoqëruar me erëra të forta, solli ndërprerje të energjisë elektrike dhe shkaktoi dëme të shumta materiale në Himarë, Sarandë dhe Vlorë. Si pasojë e motit të keq, u raportuan pemë të rrëzuara, automjete të dëmtuara dhe dëme në fasadat e bizneseve. Gjithashtu, nga pasojat e stuhisë, disa persona kanë kërkuar ndihmë mjekësore në spital.
Përditësime
Policia ka identifikuar viktimën si Bashkim Boçi, 35 vjeç, nga Elbasani. Elektricisti i OSHEE-së humbi jetën rreth orës 03:00 të mëngjesit në Himarë, pasi ra nga një lartësi prej 9 metrash gjatë stuhisë. Autoritetet po hetojnë shkakun e vdekjes, duke u fokusuar te një shkarkim elektrik i mundshëm ose shkëputja e rripit të sigurimit. Ndërkohë, 3 persona të tjerë po marrin trajtim mjekësor për lëndimet e pësuara nga rënia e pemëve dhe thyerja e xhamave.