Një nxënës 17-vjeçar me inicialet F.S. ka humbur jetën këtë të premte në Durrës, në ambientet e një shkolle të mesme.
Ngjarja ka ndodhur rreth orës 15:15, ndërsa i riu ndodhej në palestër gjatë orës së fiskulturës. Ai është ndjerë keq, ka humbur ndjenjat dhe është transportuar me ambulancë në spital për ndihmë mjekësore, por nuk ka mbijetuar.
Nxënësi frekuentonte gjimnazin "Gjergj Kastrioti", i cili zhvillon mësimin pasdite në ambientet e shkollës 9-vjeçare "Marie Kaculini".
Nga të dhënat paraprake, dyshohet se vdekja ka ardhur për shkaqe natyrale, si arrest kardiak ose infarkt, fenomen i rrallë te moshat e reja. Disa burime e quajnë arrest kardiak, të tjerat infarkt.
Menjëherë në vendngjarje kanë mbërritur efektivët e policisë dhe grupi i ekspertizës. Ata po punojnë për zbardhjen e plotë të rrethanave dhe dokumentimin e shkaqeve të ngjarjes.