Një ngjarje e rëndë është regjistruar paraditen e së mërkurës në fshatin Mashkullorë të Gjirokastrës. Një 15-vjeçar, i identifikuar me inicialet A. Peci, ka humbur jetën në një kompleks pushimi.
Sipas njoftimit zyrtar të policisë, ngjarja ka ndodhur rreth orës 10:00. Dyshimet paraprake sugjerojnë se i mituri ka pësuar infarkt gjatë kohës që po lahej në pishinë, duke gjetur vdekjen si pasojë. Grupi hetimor ka mbërritur menjëherë në vendin e ngjarjes dhe po punon për dokumentimin e plotë të rrethanave të këtij rasti. Po ashtu, autoritetet kanë shoqëruar disa persona për t’u marrë në pyetje në lidhje me ngjarjen, ndërsa pritet që ekspertiza mjeko-ligjore të përcaktojë shkakun zyrtar të vdekjes.