Një ngjarje e rëndë është regjistruar këtë të premte në qytetin e Gjirokastrës, ku një 62-vjeçar ka humbur jetën pasi dyshohet se është mbytur në liqenin e Viroit. Viktima, i identifikuar si Besnik Kola, ishte banues në Gjirokastër dhe ushtronte detyrën e rojës në ambientet e zonës, pranë Agjencisë së Shërbimeve Komunitare dhe Utilitare në bashkinë e qytetit.
Sipas njoftimit zyrtar të policisë, trupi i pajetë është gjetur rreth orës 17:30. Grupi hetimor ka nisur punën për sqarimin e plotë të rrethanave të ngjarjes. Nga këqyrja paraprake e trupit, autoritetet bënë me dije se nuk janë konstatuar shenja dhune, ndërsa po punohet për dokumentimin ligjor të rastit.
Kjo ngjarje pasohet nga një tjetër humbje jetësh e raportuar gjatë ditës së sotme, ku dy të mitura të moshës 9 dhe 11 vjeç u gjetën të mbytura në plazhin e Tales, në Lezhë.
Përditësime
Policia ka identifikuar viktimën e gjetur në liqenin e Viroit si Besnik Koka, 62 vjeç. Sipas autoriteteve, viktima ishte punonjës sigurie pranë Agjencisë së Shërbimeve Komunitare në Bashkinë Gjirokastër.