Një 32-vjeçare me inicialet E.T. u gjet e mbytur në zonën e Plazhit të Vjetër në Vlorë të hënën pasdite.
Bashkëshorti i saj e konstaton trupin në det dhe e nxjerr nga uji. Pavarësisht përpjekjeve, viktima nuk mbijeton. Trupi u transportua në morgun e spitalit për ekzaminime mjeko-ligjore.
Sipas të dhënave paraprake nga policia, 32-vjeçarja vuante nga depresioni. Dyshohet për vetëvrasje për shkak të gjendjes së rënduar emocionale, por autoritetet po përjashtojnë pista të tjera.
Sipas një versioni tjetër, 32-vjeçarja ishte larguar nga banesa, ndërsa familjarët kishin nisur kërkimet në bashkëpunim me policinë. Pas disa orësh, ajo u gjet e mbytur.
Bashkëshorti po merret në pyetje nga grupi hetimor bashkë me familjarë të tjerë për të sqaruar rrethanat e ngjarjes.
Përditësime
- Policia e Vlorës gjeti shapkat e 32-vjeçares në breg të detit pranë Plazhit të Vjetër.
- Sipas familjes, ajo kishte humbur disa persona të afërt gjatë muajve të fundit.
- Spitali i Vlorës konfirmoi se ajo ndiqte trajtim për probleme me shëndetin mendor prej disa muajsh.