Një ngjarje tragjike është shënuar në lagjen “Varosh” të qytetit të Gjirokastrës, ku gjatë kryerjes së punimeve në një banesë, një 64-vjeçar ka rënë nga kati i dytë dhe për pasojë ka humbur jetën. Viktima, Agron Nika, banues në Dimal, ishte angazhuar për të kryer punime në banesën e djalit të shtetasit Jani Fuli.
Në lidhje me këtë ngjarje, shërbimet e Policisë së Gjirokastrës kanë arrestuar shtetasin Jani Fuli, me banim në Fier. Sipas hetimeve paraprake, ai akuzohet për veprën penale “Shkelja e rregullave të mbrojtjes në punë”. Autoritetet dyshojnë se mungesa e masave të sigurisë gjatë procesit të punës ka çuar në rrëzimin aksidental të 64-vjeçarit, i cili ka gjetur vdekjen si pasojë e dëmtimeve të marra.
Materialet procedurale i janë referuar Prokurorisë për veprime të mëtejshme. Hetimet janë duke vijuar për të zbardhur në mënyrë të plotë rrethanat në të cilat ndodhi aksidenti fatal.