Artikulli u përditësua — Shiko përditësimet
Instituti Kombëtar i Shëndetësisë Publike të Kosovës (IKSHPK) ka njoftuar për cilësinë e ujit të pijshëm në rajone të ndryshme të vendit më 14 janar 2026.
Sipas njoftimit, uji nga fabrika e trajtimit në Badoc nuk rekomandohet për pije për shkak të vlerave të rritura të turbullirës. Ndërkaq, në fabrikat e Shkabajt dhe Batllavës cilësia e ujit është brenda standardeve të lejuara.
Rajoni i Prishtinës
- Shkabaj dhe Batllavë: cilësia brenda standardeve.
- Badoc: nuk rekomandohet për pije.
- Drenas/Bivolak: punon me kapacitet të zvogëluar, por cilësia brenda standardeve.
- Lipjan dhe Kuzmin: brenda standardeve.
- Vragoli dhe Miradi e Poshtme: nuk rekomandohet për pije.
Rajoni i Mitrovicës
- Mitrovicë, Vushtrri, Skënderaj dhe komunat veriore: cilësia brenda standardeve për ujë të pijshëm.
Rajoni i Ferizajt
- Ferizaj dhe Shtërpcë: brenda standardeve.
- Han i Elezit: vetëm për nevoja teknike.
Rajoni i Gjilanit
- Gjilan: brenda standardeve.
- Viti: vetëm për nevoja teknike për shkak të turbullirës së rritur.
Rajoni i Pejës
- Pejë dhe Junik: brenda standardeve.
- Deçan (ujësjellësi i Deçanit, Strellc/Deçan, Drenoc/Deçan): vetëm si ujë teknik.
- Lagjja Agim Ramadani: vetëm si ujë teknik.
- Istog (ujësjellësi i Istogut, Vrellë/Istog, Mbivada/Istog): vetëm si ujë teknik.
- Klinë (rrjeti i puseve dhe burimi i Jarinës): vetëm si ujë teknik.
Rajoni i Gjakovës
Furnizimi me ujë nga rrjeti i KRU-së, por detajet specifike nuk jepen në njoftim.
Përditësime
KRU Gjakova konfirmon se uji nga rrjeti është i sigurt për konsum në rajonin e Gjakovës, përveç në lokalitetet Hoçë e Madhe, Opterushë, Zaqishtë, Demjan dhe Gërçinë, ku haset turbullirë e rritur dhe nuk rekomandohet për pije, sipas Telegrafi.