Instituti Kombëtar i Shëndetësisë Publike të Kosovës (IKSHPK), në bashkëpunim me qendrat rajonale të shëndetit publik, vazhdon monitorimin e cilësisë së ujit të pijshëm në të gjithë territorin e Kosovës. Bazuar në analizat e 15 janarit 2026, situata mbetet e pandryshuar në rajonet e Prishtinës, Mitrovicës, Ferizajt, Prizrenit dhe Gjakovës.
Rajoni i Gjilanit
Në zonën e Kamenicës – Stacioni nr. 1 dhe Besa Center, cilësia e ujit është brenda standardeve të lejuara. Ndërsa në Stacionin e pompimit nr. 2, Bahqja dhe fshatin Berivojcë, janë vërejtur vlera të rritura të nitrateve mbi kufijtë e lejuar, prandaj uji nuk rekomandohet për pije.
Rajoni i Pejës
Në Pejë, Deçan, Junik dhe Istog, cilësia e ujit është brenda standardeve për pije. Në Klinë – rrjeti nga puset dhe rrjeti nga burimi Jarinë, për shkak të vlerave të rritura të turbullirës, uji nuk rekomandohet për pije.
Njoftimi vjen pas vërshimeve të fundit dhe synon të informojë qytetarët për sigurinë e ujit të pijshëm.