Inspektoriati i Lartë i Deklarimit dhe Kontrollit të Pasurive dhe Konfliktit të Interesave (ILDKPKI) ka nisur hetimet ndaj pasurisë së Erilinda Lalës, drejtoreshë rajonale e Tatimeve Tiranë, dhe bashkëshortit të saj Taulant Godroli. Hetimi vjen pas denoncimeve të emisionit Vetting, të konfirmuara nga korrenspondenca zyrtare me zyrën e informacionit të ILDKPKI.
Hetimi përqendrohet në mosdeklarimin e kompanisë 2D Construction 2025 (ish Gea Construction) dhe burimeve financiare të saj. Erilinda Lala nuk ka deklaruar dhurimin e aksioneve të kësaj kompanie te Marsida Dedej. Një ditë pas dhurimit, Taulant Godroli ka paguar një gjobë për kompaninë në sportel, ndonëse nuk ishte pronar apo i autorizuar.
Kompania 2D Construction 2025 ka marrë leje ndërtimi për një resort në Qerret, mbi një truall të kaluar në Agjencinë e Zhvillimit të Territorit në shkelje të ligjit, sipas burimeve. Ekzistojnë indicie për interesa të padeklaruara në këtë projekt.
Erilinda Lala nuk ka deklaruar NIPT-et dhe emrat e bizneseve që ka siguruar, me të ardhura rreth 40 mijë euro në disa muaj të vitit 2023. Taulant Godroli nuk ka deklaruar kompaninë e mëparshme në pronësinë e tij, rolin në ALKO IMPEX CONSTRUCTION (ish KLEDOR ALBANIA-09) dhe një hotel në Borsh.
Ligji kërkon transparencë të plotë nga zyrtarët e lartë për pasuritë dhe të ardhurat. Mospërputhjet në deklarime mund të çojnë në shkarkim ose ndjekje penale.