Ngjarja ndodhi pranë zonës së Baths of Caracalla, ku kuajt po përgatiteshin për paradën ushtarake në kuadër të festimeve për Ditën e Republikës. Sipas raportimeve, shkak për incidentin u bë një shpërthim i papritur fishekzjarrësh, i cili trembi kafshët dhe i detyroi ato të dilnin nga zona e rrethuar duke galopuar në rrugët e qytetit.
Në përpjekje për të vënë situatën nën kontroll, u lënduan tre ushtarë dhe dy efektivë policie. Dy prej të plagosurve u transportuan për në spital në gjendje të rëndë, por, sipas autoriteteve, ata ndodhen jashtë rrezikut për jetën. Përveç dëmeve në njerëz, kafshët shkaktuan dëme materiale në automjetet e parkuara dhe ato në lëvizje.
Pas disa orësh operacioni, autoritetet arritën t’i mblidhnin kuajt dhe t'i dërgonin në një vend të sigurt. Për shkak të dëmtimeve të rënda të marra gjatë arratisjes, një prej kuajve nuk mundi të shpëtohej dhe u eutanizua nga autoritetet përkatëse.
Përditësime
Autoritetet italiane kanë nisur hetimet për incidentin me kuaj ushtarakë në qendër të Romës, i cili la pesë persona të lënduar. Prokuroria ka sekuestruar dokumentacionin përkatës për të përcaktuar përgjegjësitë mbi masat e sigurisë.