Një shpërthim i fuqishëm ndodhi në një lagje jugore të Romës, pranë autostradës Romë-Fiumicino, më 22 mars 2026.
Tre ndërtesa u shembën plotësisht, ndërsa dëme u raportuan në ndërtesa të tjera përreth dhe në disa makina të parkuara në rrugë.
Dy të moshuar, një burrë 84 vjeç dhe një grua 86 vjeç, u plagosën rëndë dhe u shtruan me urgjencë në Spitalin Sant’Eugenio. Zjarrfikësit shpëtuan edhe persona të tjerë të bllokuar nën rrënoja.
Shpërthimi detyroi rreth 70 persona të zhvendosen për strehim emergjent. Hetimet e para tregojnë se shkaku kryesor ishte rrjedhja e gazit nga një bombol gazi në njërën nga shtëpitë.
Kryebashkiaku i Romës, Roberto Gualtieri, i cili ishte në vendngjarje, deklaroi: “Dy persona janë plagosur rëndë dhe po presim të shohim se sa njerëz do të kenë nevojë për strehim emergjent. Zjarrfikësit po punojnë për të përcaktuar shkakun; duket se është një bombol gazi në njërën nga shtëpitë.”