Inspektorati i Kryeqytetit ka njoftuar shqiptimin e dy gjobave administrative, secila në vlerën prej 200 eurosh, për shkak të shkeljes së rregullave për menaxhimin e mbeturinave.
Sipas njoftimit zyrtar, masat ndëshkuese janë ndërmarrë në rastet e mëposhtme:
- Një gjobë për hedhjen e mbeturinave vëllimore në lagjen Lakrishtë.
- Një gjobë ndaj një biznesi për hedhjen e mbeturinave të aktivitetit ekonomik në kontejnerët e destinuar për mbeturinat e amvisërisë.
Autoritetet komunale u kanë bërë thirrje qytetarëve dhe subjekteve afariste që të respektojnë rregulloret përkatëse dhe të kontribuojnë në ruajtjen e pastërtisë së qytetit. Inspektorati ka theksuar se kontrollet dhe masat ndëshkuese do të vijojnë edhe në ditët në vijim.